Hver ræður fram úr þessu?

Verið er að leggja síðustu hönd á undirbúning fyrir hagyrðingakvöld Barðstrendingafélagsins, sem verður mánudagskvöldið 14. mars í félagsheimilinu Konnakoti í Reykjavík. „Okkur vantar einn til tvo hagyrðinga í viðbót. Vilt þú vera með? Getur þú bent okkur á einhvern góðan?“ spyr Ólína Kristín Jónsdóttir, formaður félagsins.

Hafa má samband gegnum Facebooksíðu Barðstrendingafélagsins ellegar senda póst í netfangið olinak@vortex.is.

Eða eins og skáldið breiðfirska mælti forðum daga:

Gefstu aldrei upp, því vís-

an þér gefur nógan mátt

í baráttu við eld og ís

ef þú kveður nógu hátt.

Fyrirsögnin er upphaf lausavísu sem Jónas Hallgrímsson setti saman í æsku sinni. Þá var hann hagyrðingur en ekki orðinn skáld.

Íslenskar úrvalsstökur