Eyþór Jóvinsson.

Samkvæmt könnun sem Félagsvísindastofnun Háskóla Íslands gerði eru byggðamál sá málaflokkur sem fæstir telja mikilvægastan í komandi kosningum. Aðeins 6,8% aðspurðra telja byggðamál vera mikilvæg. Enn á ný virðast málefni landsbyggðarinnar ætla að gleymast.

Þannig hefst grein undir ofanritaðri fyrirsögn sem Eyþór Jóvinsson, efsti maður á lista Lýðræðisvaktarinnar í NV-kjördæmi sendi vefnum til birtingar. Einnig segir hann m.a.: 

• Byggðastefna stjórnvalda þarf ekki að vera flókin til að vera góð. Hún þarf aðeins að byggjast upp á heildstæðum lausnum en ekki sértækum plástrum. – Það höfum við haft að leiðarljósi við gerð byggðastefnu Lýðræðisvaktarinnar.
• Landsbyggðin þarf enga vorkunn eða ölmusu. Hún þarf frið frá stjórnvöldum til að byggja sig upp innan frá. Það þarf að gefa landsbyggðinni tækifæri til að skapa sína eigin framtíð á hennar eigin forsendum. – Vera sjálfbjarga.

Grein Eyþórs í heild má lesa hér og undir Sjónarmið í valmyndinni vinstra megin.