« 1 af 4 »

Nokkur síðustu árin hefur Kvenfélagið Katla í Reykhólahreppi gefið út dagatal með myndum úr sveitarfélaginu. Það hefur notið vinsælda bæði innan héraðs og utan enda hentugt jafnt til gjafa og til eigin nota. Þá var helstu fyrirtækjum og stofnunum sveitarfélagsins fært dagatalið 2015 að gjöf í upphafi árs. Núna er nýtt dagatal fyrir árið 2016 komið út og verður til sölu á eftirtöldum stöðum:

Í Hólabúð, á Dvalarheimilinu Barmahlíð, hjá stjórn kvenfélagsins, þeim Svanhildi Sigurðardóttur (859 8877), Steinunni Ó. Rasmus (849 2312) og Áslaugu B. Guttormsdóttur (894 1966), og síðan á jólamarkaðinum í Króksfjarðarnesi. Allur ágóði af sölunni rennur til Dvalarheimilisins Barmahlíðar og Reykhólaskóla.

Hér fylgja nokkur sýnishorn af myndunum sem prýða dagatalið.