10:00 Litadýrðarhlaup Reykhóladaga 

Ræst kl. 10:00 frá Bjarkalundi og hlaupið út að Reykhólum og endað við Grettislaug. Ræst í styttri vegalengdir við Grettislaug kl. 11:00. Þar er hlaupið út Reykjanesið þar sem verða merkingar á kílómeters fresti og þátttakendur ákveða sjàlfir vegalengd sína :) 

 

Umsjón: Jóhanna  Ösp

 

13:00 Dráttarvélaakstur

Þetta er tíunda árið sem dráttarvélarsýning er á Reykhóladögum. Upphafsmaðurinn, Guðmundur Ólafsson, hefur séð um skipulagningu frá upphafi. Keppt verður í akstursleikni eins og áður.

 

Í framhaldi af dráttarvélakeppninni verður svo Læðutog.

 

Frægasti sjónvarpsbíll Íslands, Læðan, á lögheimili á Litlu Grund. Annað árið í röð verður svokallað Læðutog þar sem hraustir einstaklingar fá tækifæri til þess að draga þennan heimsfræga bíl á Íslandi 10 metra.

 

Hvar: Á túninu við Hlunnindasýninguna

Umsjónarmenn: Snillingarnir á Grund

 

 

15:00 á Báta- og hlunnindasýningunni

Jóhannes Geir Gíslason mun sýna hvernig á að útbúa selanet og hvernig á að hreinsa æðardún. Allan daginn verða kaffiveitingar til sölu á sýningunni.

 

15:00 Markaður í íþróttahúsinu

Markaður í íþróttahúsinu þar sem einstaklingar og félög selja varning sinn.

Mælt er með því að fólk komi með seðla. 

Lions styrkir einnig sjálfsvarnarsýningu á markaðnum, sjón er sögu ríkari. 

Kíkið við og gerið kaup aldarinnar!!! 

 

16:00 Rjómatertuuppboð á markaðnum í íþróttahúsinu,

en að þessu sinni verður hægt að bjóða í rjómatertur til að grýta oddvita á meðan ávarpið stendur yfir.

Allur ágóði af rjómatertuuppboðinu mun renna til Félags eldri borgara í Dölum og Reykhólum. Rjómatertuuppboðið mun fara fram kl. 16:00 á markaðnum í íþróttahúsinu, ekki missa af að næla þér í rjómatertu og fá að henda tertu í oddvita. 

 

16:30 Karnival í Hvanngarðabrekkunni

Hið árlega karnival verður að sjálfsögðu á sínum stað. Veltibíllinn mætir á svæðið og fer í fleiri hringi en í fyrra. Flottir hoppukastalar verða settir og nýjungin bubbleboltar.

o.fl. o.fl.

 

18:00  Dimmalimm á Báta og hlunnindasýningunni 

Kómedíuleikhúsið sýnir barnaleikritið sívinsæla Dimmalimm á Reykhóladögum. 

Miðaverð aðeins: 2.500.- krónur.

Posi á staðnum.

 

18:40 – 20:00 Hlé á dagskrá

Tilvalinn tími til að grilla og hafa notalegt. 

 

20:00 Kvöldvaka 

Brekkusöngur að hætti Garðars og Ingimars.

 

Verðlaunaafhending. 

 

Síðast en ekki síst verður hið hefðbundna Ávarp Oddvita. En að þessu sinni verður hægt að grýta oddvita með rjómatertum á meðan ávarpið stendur yfir.

 

21:00 Barnaball

Barnaball fer fram í íþróttahúsinu. Hljómsveitin Mannamót mun leika fyrir dansi á ballinu og halda uppi fjöri. Aðgangseyrir er 1000.- krónur fyrir börn, foreldrar fá frítt inn sem fylgdarmenn barna sinna. Eitt glow stick fylgir hverjum seldum miða. 

Getur verið gott að senda yngri börn með heyrnahlífar eða eyrnatappa.

 

21:00 Sundlaugarpartý

Sundlaugarpartý fyrir 13-17 ára. Dj Ragga Hólm mun þeyta skífum í trylltu partýi. Aðgangseyrir er 1000.- krónur. 

 

 

23:00 Dansleikur

Hljómsveitin Mannamót mun leika fyrir dansi í íþróttahúsinu. Gestasöngkona verður okkar eigin Lovísa Ósk Jónsdóttir og mun hún syngja nokkur vel valin lög með hljómsveitinni. Miðaverð á ballið er 2500.- krónur. 18 ára aldurstakmark.