Dansað í íþróttahúsinu á Reykhólum.

Mennta- og menningarmálanefnd Reykhólahrepps samþykkti á fundi sínum í gær að danskennsla verði felld inn í skólastarf Reykhólaskóla. Þetta er í samræmi við ósk foreldrafélags skólans, sem lögð var fram á fundinum.

Til að þessi samþykkt verði bindandi þarf sveitarstjórn að staðfesta hana þegar fundargerð nefndarinnar verður tekin til afgreiðslu á næsta sveitarstjórnarfundi.

Myndin er frá dansnámskeiði í íþróttahúsinu á Reykhólum í síðustu viku - sjá nánar hér.