« 1 af 2 »

Djúpsteikingarhátíðin Við Djúpið var haldin í Arnardal við Ísafjarðardjúp um síðustu helgi. Öll voru veisluföngin hjá grönnum okkar við Djúpið að sjálfsögðu djúpsteikt, svo sem djúpsteiktar samlokur, djúpsteiktur hörpudiskur, djúpsteikt Snickers, djúpsteikt popp, djúpsteikt ravíólí, djúpsteikt kúlusúkk og sitthvað fleira Djúp-steikt.

Grönnum okkar við Djúpið?

Já, en kannski svolítið langsótt í þessu tilviki. Fjögur sveitarfélög liggja að Djúpi (Ísafjarðardjúpi): Bolungarvíkurkaupstaður, Ísafjarðarbær, Súðavíkurhreppur og Strandabyggð. Reykhólahreppur á landamæri með bæði Súðavíkurhreppi og Strandabyggð, en auk þess (og það kemur e.t.v. á óvart) snertast Reykhólahreppur og Ísafjarðarbær í einum punkti á Glámuhálendinu upp af botni Arnarfjarðar, þar sem fyrrum var jökull. Sjá mynd nr. 2.

Frásögn og nokkur myndskeið frá Djúp-steikingunni á ruv.is