31. júlí 2017 | Sveinn Ragnarsson
Dráttarvélastuð
Hópakstur og sýning á gömlum og góðum dráttavélum er fastur liður á Reykhóladögum. Að þessu sinni voru 32 vélar sýndar, og svo bættist ein óvænt í hópinn alla leið frá Þýskalandi.
Vélarnar eru í ýmsum litum og lífgar það óneitanlega upp á hópinn.
Að sjálfsögðu var keppt í ökuleikni á franska Massey Fergusoninum frá Kinnarstöðum, sem nú á heima á Grund. Gestir eru eiginlega duglegri en heimamenn að taka þátt.
Keppt var í karla- og kvennaflokki, og unnu þau Hrólfur Árni Borgarsson - Olli á Kambi - og Rebekka Eiríksdóttir á Stað, en hún hefur unnið þessa keppni nokkrum sinnum.