Hátt eldsneytisverð dregur úr ferðum Íslendinga innanlands. Umferð fyrstu helgina í júní var 14% minni en sömu helgi í fyrra. „Ferðaþjónustufyrirtæki kvíða því að ferðalög Íslendinga verði minni í ár“, segir Erna Hauksdóttir, framkvæmdastjóri Samtaka ferðaþjónustunnar í samtali við Morgunblaðið. Þar kemur einnig fram, að innan ferðaþjónustunnar sé mikil óánægja með nýjan gistináttaskatt stjórnvalda. Skatturinn er sagður flókinn í framkvæmd og gististaðir ekki undirbúnir fyrir hann.

 

Því má bæta við, að í alveg nýrri álitsgerð Alþjóða gjaldeyrissjóðsins, sem síðustu árin hefur verið með fjármál íslenska ríkisins í gjörgæslu, kemur fram að sjóðurinn vill að skattar á eldsneyti verði hækkaðir.