Ásmundur Einar Daðason.

Í því ágæta blaði Vestfirðir, sem ritstýrt er af Kristni H. Gunnarssyni fyrrverandi alþingismanni, birtist nýverið frétt undir yfirskriftinni „Óvissa um Dýrafjarðargöng“. Í umræddri frétt er látið liggja að því að óvissa sé uppi um það hvort framkvæmdir við Dýrafjarðargöng hefjist á næsta ári líkt og áætlanir gera ráð fyrir. Ástæðan sé sú, að búið sé að boða kosningar næsta haust og það setji verkið í uppnám. Ólína Þorvarðardóttir var fljót að grípa boltann frá Kristni H. Gunnarssyni á lofti og hélt því fram á vefsíðu sinni, að sannleikurinn væri sá að aldrei hafi staðið til að hefja framkvæmdir við Dýrafjarðargöng á næsta ári.

Þannig hefst grein sem Ásmundur Einar Daðason, þingmaður Norðvesturkjördæmis og formaður þingflokks Framsóknarflokksins, sendi vefnum til birtingar undir ofangreindri fyrirsögn. Lokaorðin eru þessi:

Það stendur ekki annað til af hálfu stjórnvalda en að fyrirliggjandi tímaáætlun haldi og að framkvæmdir verði komnar á fullt á næsta ári!

______________________

Grein Ásmundar Einars í heild er að finna hér og undir Sjónarmið í valmyndinni til vinstri.