Spyrlarnir í Útsvari, Þóra Arnórsdóttir og Svavar Guðmundsson.

Lið Reykhólahrepps í Útsvari keppir annað kvöld (föstudag) við lið Fjallabyggðar (sameinað sveitarfélag Siglufjarðar og Ólafsfjarðar). Lið Reykhólahrepps skipa (í stafrófsröð) þau Guðjón D. Gunnarsson á Reykhólum (ekki síður þekktur sem Dalli), Kristján Gauti Karlsson á Kambi og Ólína Kristín Jónsdóttir frá Mýrartungu.

Keppnin fer fram í beinni útsendingu í Sjónvarpinu og hefst kl. 20.40. Stuðningsmenn sem hafa tök á því eru hvattir til að mæta í salinn í útvarpshúsinu við Efstaleiti 1 í Reykjavík.

„Ég veit að félagar mínir hafa keppnisskap, en ég ætla að reyna að skemmta mér,“ segir Dalli í samtali við vefinn.

► Útsvar: Reykhólahreppur langfámennastur

► Reykhólahreppi gefst kostur á þátttöku í Útsvari