Alma Dóróthea með litlu langömmustelpuna sína.

Guðmundur Andri (f. 2007) og Brynjar Pálmi (f. 2003) með litlu systurinni.

Emelía Karen Björnsdóttir á Reykhólum.

Guðrún og Björn Fannar með börnunum sínum þremur.

Emelía Karen í öruggu skjóli bræðra sinna, þeirra Guðmundar Andra og Brynjars Pálma.

Dæmalaust er stúlkan fín!

Systrabörnin Elvar Máni og Emelía Karen með hlífðargleraugu eins og vera ber.

« 1 af 7 »

Fimmta barnið sem fæddist í hóp fólksins í Reykhólahreppi á nýliðnu ári er stúlka sem hlaut nafnið Emelía Karen Björnsdóttir. Hún leit ljós dagsins þann 8. júlí, dóttir Guðrúnar Guðmundsdóttur og Björns Fannars Jóhannessonar á Reykhólum, og reyndist 3.845 g eða 15,5 merkur og 56 cm. Litla stúlkan er eitt laufblaðið enn á flóknum ættarmeiði sem hefur verið frjósamur að undanförnu eins og hér kemur fram. Á síðustu myndinni eru þau systrabörnin Elvar Máni, fæddur 3. maí, og Emelía Karen.

Langamma og langafi Emelíu Karenar eru hjónin Alma Dóróthea Friðriksdóttir og Sigvaldi Guðmundsson, lengst búendur á Hafrafelli í Reykhólasveit, núna búsett í Barmahlíð á Reykhólum. Þær langmæðgurnar Alma og Emelía Karen eru á fyrstu myndinni.

Sjá einnig:

►► Átta börn á einu ári