„Stjórn Lífeyrissjóðs Vestfirðinga hefur ekki farið í eina einustu boðsferð og ég held að við höfum ekki fengið boð í eina einustu boðsferð“, segir Guðrún K. Guðmannsdóttir, framkvæmdastjóri Lífeyrissjóðs Vestfirðinga (LV) í samtali við fréttavefinn bb.is á Ísafirði. „Ég fór í einhverjar kynnisferðir erlendis, flestar til Lundúna, þar sem við vorum að kaupa erlend skuldabréf og í skuldabréfasjóðum. Þessar ferðir voru greiddar af sjóðnum en ég fór í engar boðsferðir. Það hefur alltaf verið okkar regla að sjóðurinn borgi slíkar ferðir.“

Margt fólk í Reykhólahreppi er og hefur verið með aðild að LV enda starfar Verkalýðs- og sjómannafélagið Grettir á Reykhólum innan vébanda Verkalýðsfélags Vestfirðinga.