Góð þátttaka er á námskeiði um jurtir og náttúrulækningar sem haldið verður í Þróunarsetrinu á Hólmavík á mánudaginn. Enn er þó hægt að bæta við þátttakendum. Gjaldið er 7.900 krónur og greiðist með greiðsluseðli nokkrum dögum eftir námskeiðið. Minnt er á að ýmis stéttarfélög taka þátt í námskeiðskostnaði félagsmanna og Fræðslumiðstöð Vestfjarða reynir að leiðbeina fólki við að sækja um styrki. Gott er að þátttakendur hafi með sér skæri eða greinaklippur og taupoka til að safna plöntum en farið verður í vettvangsferð í nágrenni Hólmavíkur. Áhugasamir geta haft samband við Stínu í síma 867 3164.

 

Hafdís Sturlaugsdóttir hjá Náttúrustofu Vestfjarða kennir á námskeiðinu. Hún hefur sérhæft sig í gróðri og landnýtingu.

 

Sjá nánar:

10.06.2011  Námskeið um jurtir og náttúrulækningar