Námskeið í hvers konar fataviðgerðum verður haldið á Hólmavík fimmtudagskvöldið 3. mars og stendur frá kl. 19.30 til kl. 23. Þátttakendur koma með föt sem þarf að gera við, til dæmis að stytta, laga saumsprettur, falda, víkka eða þrengja, bæta eða jafnvel breyta. Æskilegt er að þeir sem eiga saumavélar komi með þær en það er samt ekki skilyrði. Önnur áhöld verða á staðnum. Þurfi þátttakendur efni, rennilása eða slíkt verða þeir að hafa það með sér.

 

Kennslan er á vegum Fræðslumiðstöðvar Vestfjarða. Hún fer fram í Grunnskólanum á Hólmavík og kennari er Vala Friðriksdóttir. Verð kr. 6.800. Skráningarfrestur er fram á mánudaginn 28. febrúar. Skráningarform er að finna hér.

 

Fræðslumiðstöð Vestfjarða