21. apríl 2016 |
Fengu hlífðarhjálma og íslenska fánann að gjöf
1. bekkur með hjálmana ásamt Steinunni Rasmus og Ástu Sjöfn.
Nemendurnir í 1. bekk Reykhólaskóla hafa fengið að gjöf hlífðarhjálma frá Kiwanishreyfingunni, líkt og börn í fyrsta bekk í langflestum sveitarfélögum landsins. Ásta Sjöfn skólastjóri afhenti hjálmana. Eimskip styrkti Kiwanis til þessa þarfa framtaks eins og áður. Jafnframt fengu krakkarnir í 2. bekk góða gjöf frá Skátahreyfingunni, íslenska fánann.
„Okkur í Reykhólaskóla finnst þetta vera frábært framtak hjá Kiwanis og Skátahreyfingunni,“ segir á vef skólans, þar sem myndirnar eru fengnar. Á myndina af krökkunum í 2. bekk vantar Hildigunni Sigrúnu, sem var veik þennan dag.