Þessa dagana er í dreifingu ferðaþjónustublað fyrir Strandir og Reykhólasveit, sem Arnkatla 2008 og Markaðsstofa Vestfjarða gefa út. Blaðið er tólf síður í tímaritsbroti og hefur að geyma upplýsingar um ferðaþjónustu og skoðunarverða staði í þessum héruðum. Það er prentað í 20 þúsund eintökum og verður dreift á upplýsingamiðstöðvar um allt land. Einnig mun það liggja frammi á viðkomustöðum ferðamanna á svæðinu.

Hægt er að nálgast blaðið í tölvutæku formi á heimasíðu Upplýsingamiðstöðvar ferðamála á Hólmavík.