Frá vinnu við frystihúsið gamla í Flatey á liðnu sumri. Ljósm. Björn Samúelsson.

Eins og hér kom fram fyrir skömmu var veittur 3,7 millj. króna styrkur úr Framkvæmdasjóði ferðamannastaða til endurbyggingar frystihússins í Flatey við fyrstu úthlutun á þessu ári. Nú auglýsir sjóðurinn á ný eftir umsóknum um styrki til uppbyggingar á ferðamannastöðum.

Verkefni verða að uppfylla amk. eitt af eftirfarandi skilyrðum:

• Verkefnið er til uppbyggingar, viðhalds og verndunar mannvirkja og náttúru á ferðamannastöðum í eigu opinberra aðila eða á náttúruverndarsvæðum.
• Verkefnið er til framkvæmda sem varða öryggi ferðamanna og verndun náttúru á ferðamannastöðum í eigu opinberra aðila jafnt sem einkaaðila.
• Verkefnið er til undirbúnings- og hönnunarvinnu sem er nauðsynleg vegna framkvæmda á ferðamannastöðum eða á náttúruverndarsvæðum.

► Allar nánari upplýsingar hér á vef Ferðamálastofu