Eydís Sunna Harðardóttir á Tindum í Geiradal var fjallkona Reykhólahrepps á þjóðhátíðinni í Bjarkalundi. Það var vel til fundið vegna þess að hún er „þjóðhátíðarbarn“ - fædd 17. júní 1996 og átti því 15 ára afmæli á 200 ára fæðingarafmæli Jóns forseta. Eydís Sunna flutti kvæði eftir breiðfirsku skáldkonuna Ólínu Andrésdóttur. Umf. Afturelding annaðist hátíðarhöldin að venju og voru þau með hefðbundnu sniði, leikir af ýmsu tagi fyrir börn og fullorðna og kaffihlaðborðið í Bjarkalundi var á sínum stað.

 

Þórarinn Ólafsson í Stekkjarlundi var á hátíðinni og tók urmul mynda. Hér fylgja nokkrar þeirra (smellið á þær til að stækka) en hátt í hundrað myndir af fólki og viðburðum er að finna undir Ljósmyndir > Myndasyrpur > 17. júní 2011 í Bjarkalundi í valmyndinni hér vinstra megin. Þórarinn hefur löngum reynst vef Reykhólahrepps betri en enginn í þessum efnum.