27. júlí 2011 |
Fjölskylduhelgi á Hafrafelli í Reykhólasveit
Velkomin ...
Árleg fjölskylduhelgi Friðrúnar H. Gestsdóttur á Reykhólum, systkina hennar og maka, barna þeirra og barnabarna, var að þessu sinni haldin á Hafrafelli í Reykhólasveit. Þar eru æskuslóðir Guðmundar Sigvaldasonar (Mumma frá Hafrafelli), eiginmanns Friðrúnar. Úr öllum hópnum komu fjörutíu og átta manns en sex komust ekki. Mummi fékk lánaða dráttarvél ásamt 2,40 m breiðri sláttuvél og sló „fríhendis“ orðið VELKOMIN eins og sjá má á fyrri myndinni.
Gengið var upp að Kýlonsvatni, farið í jeppaferð upp að Vaðalfjöllum, veitt í Hafrafellsvatni og farið út á Reykhóla á hestbak og svo í sund. Allir grilluðu saman í laugardagskvöldmatinn.