Frá Báta- og hlunnindasýningunni.

Úr Uppbyggingarsjóði Vestfjarða eru veittir fjórir styrkir til reksturs og verkefna í Reykhólahreppi við fyrri úthlutun 2017, samtals að fjárhæð fjórar milljónir króna. Báta- og hlunnindasýningin á Reykhólum fær 2.400.000 króna rekstrarstyrk til eins árs, en verkefnastyrkir eru þessir:

Kr. 1.000.000

Vöruþróun og markaðssetning fyrir næringarefni og húðvörur úr þara og þangi (Gullsteinn ehf.)

Kr. 300.000

Tónlist með bátavélum (Báta- og hlunnindasýningin á Reykhólum)

Kr. 300.000

Fjölskyldan saman, 5 steinar í Reykhólahreppi (Jóhanna Ösp Einarsdóttir)

Ákveðið var að þessu sinni að veita samtals 53 styrki, en umsóknir voru 100. Reyndar eru fjárhæðir oft mun lægri en umbeðin upphæð. Framlögin skiptast í 49 verkefnastyrki og 4 stofn- og rekstrarstyrki til menningarstofnana.

Hér má sjá skrá yfir styrkina og fleira varðandi Uppbyggingarsjóð Vestfjarða.