10. desember 2015 |
Fljótt og vel brugðist við
Myndir: Ingimundur Pálsson / OV.
Mjög mikið tjón varð á dreifi- og flutningskerfi raforku á Vestfjörðum í fárviðrinu mikla. Vel á annað hundrað stæður og staurar brotnuðu og margir fleiri eru laskaðir. Ingimundur Pálsson, starfsmaður Orkubús Vestfjarða á Hólmavík, tók í gær meðfylgjandi myndir af skemmdum og viðgerðum í Ísafjarðardjúpi (Facebooksíða Orkubúsins).
Kristján Haraldsson orkubússtjóri segir að á fáum stöðum á landinu hefði verið hægt að bregðast eins fljótt og vel við eins miklum skemmdum og urðu á línum bæði Orkubúsins og Landsnets. Þetta sé að þakka öllum þeim varaaflstöðvum sem eru Vestfjörðum.