Silvía Björk Birkisdóttir opnar á morgun, laugardag, hárgreiðslustofu á neðri hæðinni í húsi Grettislaugar á Reykhólum undir nafninu Flottir lokkar. Af því tilefni verður opið hús fyrir gesti og gangandi milli kl. 14 og 16. Í næstu viku verður opið á þriðjudag og föstudag kl. 11-18 en frá og með 1. júlí verður opið kl. 11-16 eða eftir samkomulagi. Svona til áréttingar skal tekið fram, að Silvía Björk „þjónustar alla, bæði konur og kalla“.
 

Tímapantanir í síma 845 4550.

 

„Fólkið frábæra á Seljanesi og Sveinn Borgar fá bestu þakkir fyrir alla hjálpina. Sjáumst hress“, segir Silvía Björk.