Kristján, Snæbjörn og Steinar við flugvélina á Reykhólum.

Kristján Þór Kristjánsson flugmaður kom í dag frá Akureyri til Reykhóla og lék margvíslegar kúnstir á amerískri tvíþekju af gerðinni Pitts. Fjöldi manns fylgdist með þessum viðburði og nokkrar fleiri vélar lentu á Reykhólum í dag. Eins og hér kom fram var tilefnið afmælisfagnaður Snæbjarnar Jónssonar frá Mýrartungu (nokkuð síðbúinn reyndar) við Þorskafjörð núna í kvöld. Veður var sérlega sólbjart og gott og fór hitinn á opinberum mæli Veðurstofunnar neðan við Reykhólaþorp yfir tuttugu stig síðdegis.

Á myndinni, sem tekin var að flugsýningunni lokinni, eru við flugvélina þeir Kristján Þór listflugmaður, Snæbjörn Jónsson fyrrv. afmælisbarn og Steinar Pálmason, sem heilsteikir eins og eitt stykki sauðkind í afmælisfagnaðinum.

Braggablús í tilefni fimmtugsafmælis