Mynd: Morgunblaðið.

Í Morgunblaðinu í dag er greint frá því, að Áhugamannafélag um bátasafn Breiðafjarðar hyggist nota gamla flugskýlið af flugvellinum á Patreksfirði til að hýsa gamla báta við höfnina á Reykhólum. Félagið keypti flugskýlið til niðurrifs en hætt var að nota það fyrir mörgum árum. Hafliði Aðalsteinsson, formaður félagsins, segir í Morgunblaðinu að frá upphafi hafi verið ætlunin að reisa það á Reykhólum. Hann segir að forsvarsmenn sveitarfélagsins hafi verið jákvæðir þegar nefnt var að reisa bátaskýlið á fyllingu sem gerð var í tengslum við nýjan varnargarð sem gerður hefur verið í höfninni.