Reykhólaskóli / Árni Geirsson.

Anna Greta Ólafsdóttir skólastjóri Reykhólaskóla biður vefinn að koma því á framfæri, að vegna brunans á Reykhólum í gærkvöldi hefur verið ákveðið að fresta foreldrafundinum sem halda átti í kvöld. Hins vegar verður pítsukvöld unglinganna í skólanum eins og ekkert hafi í skorist. Bæði er hægt að koma og taka pítsuna með sér heim eða borða hana í matsal skólans.

Pítsukvöldið verður klukkan 18-21. Tekið er við pöntunum frá klukkan 15 í síma 894 9123 og 434 7805.

Hér er um að ræða hefðbundna pítsuveislu nemendanna í 8.-10. bekk en með þessu eru krakkarnir að safna sér fyrir ævintýraferð í skólalok í vor. Pítsurnar eru 12 tommur og kosta með tveimur tegundum af áleggi aðeins kr. 1.800. Fólk er eindregið hvatt til að styrkja ungmennin með því að kaupa pítsu (helst tvær eða þrjár).

Aukaálegg kostar kr. 200. Margs konar álegg er í boði, svo sem hakk, pepperóní, skinka, beikon, sveppir, paprika, ananas, laukur og rjómaostur.

Margaríta-pítsa (sósa og ostur) kostar aðeins kr. 1.600.

Einnig er bæði gos og lakkrís til sölu.

Veittur er afsláttur ef keyptar eru fleiri en ein pítsa:

• Tvær pítsur aðeins kr. 3.200.
• Þrjár pítsur aðeins kr. 4.600.

Pantið helst fyrirfram (til að losna við bið) í öðrum hvorum símanna sem tilgreindir eru hér fyrir ofan.