Fyrsti frambjóðandinn til embættis forseta Íslands sem heldur kynningarfund á Reykhólum að þessu sinni - á eftir að koma í ljós hvort það verða fleiri - er Hannes Bjarnason frá Eyhildarholti í Skagafirði. Hann býður til fundar í matsal Reykhólaskóla núna á fimmtudagskvöldið kl. 20.

Ekki liggur fyrir hvort frambjóðendur til forsetaembættisins hafi áður haldið kynningarfundi í héraðinu.

Þess má geta, að Sveinn Björnsson, fyrsti forseti lýðveldisins, var ættaður frá Djúpadal í Gufudalssveit. Þar var faðir hans upprunninn, Björn Jónsson ritstjóri og síðan Íslandsráðherra næstur á eftir Hannesi Hafstein.

Heimasíða Hannesar Bjarnasonar