Jón Þorsteinsson við Grettislaug.

Jón Þorsteinsson hefur verið ráðinn forstöðumaður Grettislaugar á Reykhólum og jafnframt aðstoðarmatráður í mötuneyti hreppsins, sem þjónar bæði skólanum og dvalarheimilinu. Fyrsti vinnudagur hans á báðum stöðum er í dag. Laugin er opin frá kl. 16 til kl. 20 í kvöld, og Jóni til halds og trausts í byrjun er Dísa Sverrisdóttir, sem á sínum tíma var forstöðumaður laugarinnar um árabil.

Jón er fimmtugur að aldri og kemur af höfuðborgarsvæðinu. Hann verður búsettur að Hellisbraut 28 á Reykhólum.

Ekki er enn búið að ganga frá því hvaða daga og á hvaða tímum Grettislaug verður opin í vetur en það verður gert mjög fljótlega. Síminn í Grettislaug er 434 7738.