Fótbolti, prjónaskapur og vöfflur í Nesi
Fylgst var með landsleik Íslendinga og Ungverja og prjónað saman og spjallað í kaupfélagshúsinu gamla í Króksfjarðarnesi í gær. Þar hefur fólk átt annríkt að undanförnu, fyrst að undirbúa fyrir opnun og síðan í fyrradag (17. júní) að opna og baka vöfflur og taka á móti fólki og afgreiða. Síðan var alþjóðlegi prjónadagurinn og jafnframt horfðu sumir á landsleikinn á skjánum inni í Arnarsetrinu þar sem venjulega rúlla myndir af náttúrulífi við Breiðafjörð.
Myndir nr. 1-11 tóku Sveinn Ragnarsson og Erla Björk Jónsdóttir og þurfa líklega ekki nánari skýringar.
Mynd nr. 12 tók Árni Geirsson um miðjan ágúst 2007. Þar er horft suður yfir Gilsfjörð, en í forgrunni eru Kaupfélagið (sem örin bendir á) og fleiri hús í Króksfjarðarnesi (eða í Nesi, eins og sagt er í daglegu tali). Eins og vel kemur fram á þessari mynd var veglínunni í Nesi breytt þegar Gilsfjörður var þveraður. Áður var Kaupfélagið við þjóðveginn en núna liggur hann neðar.
Alltaf eitthvað nýtt í Króksfjarðarnesi á sumrin