Tilkynning frá kjörstjórn Reykhólahrepps

varðandi sveitarstjórnarkosningar 26. maí 2018

Almennar sveitarstjórnarkosningar verða laugardaginn 26. maí 2018. 

Viðmiðunardagur kjörskrár er 5. maí.

Þann 9. maí verður prentaður kjörskrárstofn tilbúinn og mun hann liggja frammi til skoðunar á skrifstofu Reykhólahrepps um leið og hann berst og til kjördags.

Utankjörfundaratkvæðagreiðsla í Reykhólahreppi er í höndum sýslumanns og auglýsir hann dagsetningu og staðsetningu hennar þegar nær dregur.

Sveitarstjórnarmenn sem hyggjast skorast undan endurkjöri skulu tilkynna þá ákvörðun til kjörstjórnar fyrir lok framboðsfrests, þ.e. kl. 12 á hádegi laugardaginn 5. maí.  Frestur til að skila framboðslistum til kjörstjórnar í Reykhólahreppi er til kl. 12 á hádegi laugardaginn 5. maí en kjörstjórn verður með viðveru á skrifstofu Reykhólahrepps frá kl. 11.00 – 12.00 þann dag.

 Við viljum benda á vefinn www.kosning.is, kosningavef innanríkisráðuneytisins, en þar má finna ítarlegar leiðbeiningar um komandi kosningar, m.a. má þar finna leiðbeiningar fyrir framboð.

 Símanúmer formanns kjörstjórnar Reykhólahrepps er 849 2312.

Reykhólum, 26.apríl 2018.

f.h. kjörstjórnar Reykhólahrepps

Steinunn Ó. Rasmus

formaður