Á það skal minnt, eins og gert hefur verið öðru hverju gegnum árin, að eitt af hlutverkum Reykhólavefjarins er, og hefur alltaf verið, að birta auglýsingar. Ef þær snerta fólk og fyrirtæki með aðsetur í héraðinu eða í einhverjum sérstökum tengslum við það, þá kostar birtingin ekki neitt. Jafnframt eru auglýsingaborðar (með tenglum) útbúnir án endurgjalds, ef þess er óskað.

Þetta er einfaldlega þjónusta sem vefnum ber að sinna, enda er hann í eigu sveitarfélagsins.

Nefna má í þessu sambandi, að mikill meirihluti heimsókna á vefinn er frá fólki utan hreppsins. Frá áramótum eru heimsóknir að meðaltali 556 á dag, meira en tvöfaldur íbúafjöldi Reykhólahrepps og margfaldur fjöldi heimila í hreppnum.

Hikið ekki við að hafa samband við umsjónarmann í netfanginu vefstjori@reykholar.is eða í síma 892 2240. Líka þegar um er að ræða einhverjar tilkynningar um viðburði eða hvaðeina sem þarf að koma á framfæri, eða bara eitthvað sem kalla mætti smáauglýsingar!