Fyrirlestur um súrnun sjávar
Hrönn Egilsdóttir flytur erindi á morgun, 31. maí, kl. 19:30 í matsal Reykhólaskóla, um rannsóknir á súrnun sjávar.
Hrönn starfar sem nýdoktor við Háskóla Íslands en hún lauk doktorsprófi í febrúar 2017. Aðalrannsóknarefni hennar er súrnun sjávar, sem er ein afleiðing óhóflegs útblásturs koldíoxíðs (CO2) út í andrúmsloft Jarðar. Doktorsritgerðin fjallaði um mikilvægi þess að skilja og rannsaka áhrif loftslagsbreytinga, og sér í lagi súrnunar sjávar, fyrir fjörusvæði, grunnsævi og djúpsævi. M.a. var Breiðafjörður rannsakaður m.t.t. árstíðabundins umhverfisbreytileika í sjó.
Í erindi sínu mun Hrönn fjalla um ástæður og afleiðingar súrnunar sjávar út frá stöðu þekkingar í dag. Þá mun hún færa rök fyrir því af hverju Breiðafjarðarsvæðið væri tilvalið rannsóknarsvæði svo auka mætti skilning á áhrifum hlýnunar sjávar og súrnunar sjávar er fram líða stundir. Að lokum verða kynntar rannsóknaráætlanir fyrir sumarið sem unnar verða í samstarfi við Þörungaverksmiðjuna á Reykhólum.
Maria Maack, rijudagur 30 ma kl: 17:01
Þap er líka mikilvægt að kíkja á hana Hrönn því hún mun sinna skoðun á því hvort hægt er að setja upp þróunar og þjónustusetur um þang og þörunga. Úr uppbyggingarsjóði fékkst svolítill styrkur til að taka saman htillögur, útfærslur og skipulag fyrir þekkingar-setur í kringum sjávarfangið sem hefur verið svo mikilvægt við að halda Reykhólum í bússandi byggð. Svo komið nú Reykhæolingar til að skyggnast inn í heim Breiðafjarðar og sjávarins sem við sækjum svo mikið til.