9. nóvember 2022 | Sveinn Ragnarsson
Fyrsta Ungmennaþing Vestfjarða
Þingfulltrúar á Laugarhóli, mynd Vestfjarðastofa
Um helgina fór fram fyrsta Ungmennaþing Vestfjarða. Þingið var haldið á Laugarhóli í Bjarnarfirði og þangað komu 33 ungmenni á aldrinum 13-18 ára alls staðar að frá Vestfjörðum.
Fulltrúar Reykhólahrepps voru 4, þær Hildigunnur Eríksdóttir, Ásborg Styrmisdóttir, Bergrós Vilbergsdóttir og Birgitta Brynjólfsdóttir.
Á þinginu skein í gegn að innan hópsins var mikill áhugi fyrir meira samstarfi á milli ólíkra svæða á Vestfjörðum og ungmennin styrktu tengslin sín á milli. Ennfremur fengu þau að koma að endurskoðun á áherslum í Sóknaráætlun Vestfjarða 2020-2024, en það er gífurlega dýrmætt að fá fram sjónarmið unga fólksins við þá vinnu.
Af vef Vestfjarðastofu.