29. febrúar 2012 |
Gamlar myndir - óskað eftir upplýsingum
Myndirnar sem hér fylgja eru í fórum Unnsteins Hjálmars Ólafssonar (Hjalla á Grund). Vissulega er sitthvað á þeim kunnuglegt í dag en annað síður. Hvenær voru þessar myndir teknar? Hvaða hús eru það á myndunum sem núna eru horfin? Hvaða fólk átti heima í hvaða húsum? Hvað fleira er hægt að segja til fróðleiks um þessar myndir og það sem á þeim sést? Hvaða gufa eða reykur er hægra megin á mynd númer 5? Þetta getur ekki verið Kötlulaug svona vestarlega, eða hvað?
Stækkið myndirnar með því að smella á þær.
Sérlokkar eru hvattir til að senda upplýsingar í tölvupósti eða skrifa í athugasemdakerfið hér fyrir neðan eða hringja í Hjalla á Grund. Þeir sem eru litlir Sérlokkar hafa samt kannski gaman af því að sjá þessar myndir.
Þrymur Sveinsson, fimmtudagur 01 mars kl: 23:28
Hluti myndanna eru teknar ofan af brún Grundarfjallsins. Grund eftir tíð Jóns Kristins Ólafssonar 1938 - 1956 og Litla Grund Páls Gíslasonar. Ólafur Sveinsson tekin við búsforráðum á Grund. Myndirnar teknar fyrir 1960 þar sem útibú kaupfélagsins og Mávavatn Sigurgeirs Tómassonar eru komin á sinn stað. Mjólkurbúið vantar og vegurinn líklega enn meðfram fjallinu. Bygging núverandi kirkju á Reykhólum hefur verið komin á teikniborðið. Núverandi íbúðarhús á Grund er sagt byggt 1957 skv. fasteignamati.