Á fundi hreppsnefndar Reykhólahrepps í gær var ákveðið að ganga til samninga við Gylfa Þór Þórisson sem nýjan sveitarstjóra í Reykhólahreppi. Það verður væntanlega gert síðar í dag. Ekki var á fundinum tekin ákvörðun um ráðningu skrifstofustjóra hreppsins en samkvæmt heimildum vefjarins ræðst það að líkindum seinna í dag. Nánari upplýsingar um verðandi sveitarstjóra verða birtar hér á vefnum um leið og þær fást.

 

Eins og aðrar fundargerðir nefnda má lesa fundargerð hreppsnefndar í gær á pdf-formi í reitnum Fundargerðir hér neðst til vinstri á vefnum og jafnframt má smella á hana hér.