3. maí 2018 | Sveinn Ragnarsson
Gistimöguleikum fjölgar í Reykhólahreppi
Útsýni af svölunum
Í Mýrartungu 1 eru risin 2 myndarleg bjálkahús, þar sem verður rekin gistiþjónusta. Hjónin Erla Reynisdóttir og Jens Hansson bændur í Mýrartungu hafa unnið við að byggja húsin undanfarið tæpt ár.
Húsin 2 eru eins, tvílyft með svölum á efri hæð, hvort hús er með 5 svefnherbergjum, 2 baðherbergjum, eldhúsi og rúmgóðri borð- og setustofu. Húsin hafa fengið nöfn af örnefnum í nágrenninu, þau heita Álfhóll og Strýta.
Það er byrjað að bóka gistingu, og sagði Jens að töluvert væri þegar búið að bóka í sumar.
Fyrstu gestirnir koma um mánaðamótin maí - júní, þá verður opnað.