Grettir, hið nýja flutningaskip Þörungaverksmiðjunnar á Reykhólum, lagði af stað frá Slippnum á Akureyri núna um tvöleytið í dag áleiðis í heimahöfn á Reykhólum. Grettir er væntanlegur heim upp úr hádeginu á morgun, sunnudag. Undanfarið hefur verið unnið að margvíslegum prófunum á skipinu sjálfu og öllu innanborðs til að tryggja að allt væri í toppstandi. Farið hefur verið í reynslusiglingar enda ekki heppilegt að spóla upp drullunni við bryggjuna með því að keyra bundið skipið þar á fulla ferð. Þessar prófanir og ýmsar lagfæringar í framhaldi af þeim hafa tekið öllu lengri tíma en gert hafði verið ráð fyrir í upphafi.

 

Eitt af því sem kom í ljós var að niðurfallið úr eldhúsvaskinum var ekki í lagi og þar við búið mátti ekki sitja. Þannig var hugað að smáu jafnt sem stóru.

 
Meðfylgjandi mynd er af skipamynda- og sjávarútvegssíðu Þorgeirs Baldurssonar.