Grettir við bryggju í Hvallátrum.

Samúel Ingi og Grettir í Skáleyjum.

Ljósavél og fuglafóður í Hvallátur.

« 1 af 3 »

Fyrir skömmu fór Grettir, flutningaskip Þörungaverksmiðjunnar á Reykhólum, í þjónustuferð í Skáleyjar og Hvallátur á Breiðafirði. Farið var með samtals fjórtán þúsund lítra af olíu á báða staðina. Þetta er annað árið í röð sem Grettir annast þennan flutning. Olíuskipið Lauganes, skip Olíudreifingar, sinnti þessari þjónustu við eyjarnar í fjölda ára en fer ekki lengur innar í Breiðafjörðinn en í Flatey.

„Í Hvallátur fluttum við líka fuglafóður handa æðarungunum og nýja ljósavél,“ segir Björn Samúelsson, vélstjóri á Gretti. Þess má geta, að líka er nýbúið að endurnýja ljósavélina í Skáleyjum.

Auk Björns eru í áhöfninni á Gretti þeir Örn Snævar Sveinsson skipstjóri, Heiðar Baldursson kokkur og Grétar Kristjánsson. Reyndar voru fimm í þessari ferð, því að Samúel Ingi sonur Björns vélstjóra fékk að fljóta með. Björn tók myndirnar sem hér fylgja.