Guðjón D. Gunnarsson á Reykhólum, öllu betur þekktur sem Dalli, var kjörinn formaður samtakanna Landsbyggðin lifi (LBL) á síðasta aðalfundi þeirra sem haldinn var á Árskógsströnd við Eyjafjörð í nóvember. Í hóp varamanna var kjörinn Þórarinn Ólafsson í Reykhólahreppi. Samtökin voru stofnuð sumarið 2001.

 

LBL er hreyfing fólks á Íslandi sem vill örva og efla byggð um land allt. Áhersla er lögð á að tengja fólk saman og hjálpast að við að mynda sterk heildarsamtök, samstarfsvettvang fyrir einstaklinga og hvers konar óháð áhugamannafélög sem hafa það á stefnuskrá sinni að styrkja og efla heimabyggð sína og stuðla þannig að samstíga þróun byggðamála um land allt, bæði efnahagslega og menningarlega.

 

Vigdís Finnbogadóttir, fyrrverandi forseti Íslands, er verndari samtakanna Landsbyggðin lifi.

 

Vefur LBL

Fundargerð síðasta aðalfundar LBL