12. apríl 2016 |
Guðmundur Sigurðsson verður gestur aðalfundarins
Guðmundur Sigurðsson.
Aðalfundur Búnaðarfélags Reykhólahrepps verður haldinn í matsal Reykhólaskóla annað kvöld, miðvikudaginn 13. apríl, og hefst kl. 20. Gestur fundarins verður Guðmundur Sigurðsson, framkvæmdastjóri Búnaðarsamtaka Vesturlands, og mun hann kynna starf samtakanna.
Fyrir utan venjuleg aðalfundarstörf, önnur mál og framlag Guðmundar fer fram kosning fulltrúa á aðalfund Búnaðarsambands Vestfjarða, sem haldinn verður í Heydal í Mjóafirði við Ísafjarðardjúp á laugardag.
Stjórn Búnaðarfélagsins hvetur fólk til að mæta og taka þátt í starfinu á fundinum.