Gufudalskirkja.

Altarið og altaristaflan í Gufudalskirkju.

« 1 af 2 »

Samþykkt var á Kirkjuþingi fyrir skömmu að sameina Reykhólasókn og Gufudalssókn í Reykhólaprestakalli í eina sókn með heitinu Gufudals- og Reykhólasókn og tók sameiningin gildi núna um mánaðamótin. Fram kom að sameiningin feli í sér fjárhagslegt hagræði og einföldun og henni fylgi enginn kostnaður.

Við þetta fækkar sóknum í Reykhólaprestakalli úr sex í fimm, þar af þrjár í Reykhólahreppi. Sóknirnar eru eftir sameiningu Gufudals- og Reykhólasókn, Garpsdalssókn, Flateyjarsókn, Staðarhólssókn í Saurbæ og Skarðssókn á Skarðsströnd.

Gufudalskirkja (smíðuð 1908) er annað tveggja friðaðra húsa uppi á fastalandinu í Reykhólahreppi, hitt er kirkjan á Stað á Reykjanesi. Í Flatey eru nokkur hús að auki friðuð, svo og Ranakofinn í Svefneyjum.