Tumi á Reykhólum auglýsir eftir gúmmískónum sínum. Þegar hann var að búa sig til heimferðar úr skötuveislu Lions í gær og flestir farnir voru gúmmískórnir hans horfnir. Aftur á móti voru þar aðrir mörgum númerum stærri og enginn þeirra sem ófarnir voru átti þá. Tumi neyddist þess vegna til að fara heim á þessum rúmgóðu sjömílnaskóm sem tolldu mjög illa á fótunum.

Fyrirspurnir hafa ekki leitt til neins. Þess vegna er hér á vefnum auglýst eftir skónum þannig að hægt sé að skipta og Tumi treysti sér til að fara í jólamessuna.

Eftir standa spurningar varðandi þann sem tók skóna í misgripum: - 1) Hvernig komst hann í þá? - 2) Komst hann úr þeim aftur?