Ungur maður á Ísafirði, Atli Örn Snorrason á við alvarleg veikindi að stríða. Móðir hans er Jóna Kristín Kristinsdóttir frá Gufudal. Þessir tímar eru fjölskyldunni erfiðir í skugga veikindanna.

Atli greindist með illkynja æxli í heila s.l. sumar. Hann er nýkominn heim eftir erfiða geislameðferð í 6 – 7 vikur fyrir sunnan. Á meðan á því stóð þurfti hann að leigja þar íbúð og voru þær 3 skiptis hjá honum, Jóna mamma hans, tengdamóðir hans og kona hans hún Hrafnhildur. Eiga þau Atli 2 börn og það þriðja kemur eftir áramótin.

Á Ísafirði er komin í gang almenn söfnun þeim til styrktar.

Afi Atla, Kristinn Bergsveinsson á 30 kjaftastóla (klappstóla) sem hann afhenti Reykhólakirkju og Gufudalskirkju til afnota við fjölmennar athafnir. Nú gefst kostur á að bjóða í stólana og rennur allt andvirði þeirra til Atla og fjölskyldu hans, en kirkjurnar halda stólunum.

Þeir sem bjóða vel í stólana styrkja bæði fjölskylduna og kirkjurnar. Hægt er að greiða inn á reikning: 0315 – 26 – 003252, kt. 151185-2589, Atli Örn Snorrason.

Þetta er birt með fyrirfram þökk.