Kallað er eftir umsóknum um styrki úr Uppbyggingarsjóði Vestfjarða.

Umsóknarfrestur er til kl 16:00 fimmtudaginn 21. nóvember 2019.

Í boði eru styrkir til atvinnuþróunar- og nýsköpunarverkefna, menningarverkefna og stofn- og rekstrarstyrkir til menningarstofnana. Verkefnin geta verið stór eða smá. Allir sem hafa íslenska kennitölu geta sótt um, jafnt einstaklingar og fyrirtæki. 

Sótt er um á vefnum sóknaráætlun.is
Hægt er að vista umsóknina og vinna áfram í henni síðar, en áríðandi er að stofna umsóknina á réttri kennitölu, því henni er ekki hægt að breyta. Það þarf Íslykil eða rafræn skilríki til að opna umsókn. 

Á síðu Uppbyggingarsjóðs Vestfjarða má nálgast úthlutunarreglur, sjá fyrri úthlutanir og ýmislegt fleira.