Ása Fossdal og Reynir Þór Róbertsson.

Í rekstri Hólabúðar á Reykhólum er verið að gera áherslubreytingar, sem leiða til lægra vöruverðs. Þessi lækkun hefur nú þegar átt sér stað í ýmsum vöruflokkum og fleiri munu bætast við smátt og smátt, segir í tilkynningu frá Reyni Þór Róbertssyni og Ásu Fossdal, sem reka búðina.

• Við vonum að þessar breytingar komi til góða fyrir alla aðila, en jafnan er súrt með sætu. Til að þetta sé gerlegt munu aðrar breytingar eiga sér stað.
• Þannig mun 50% afsláttur á nammibar á laugardögum hætta, auk þess sem við verðum að skera niður styrkveitingar til ýmissa málefna.
• Það er okkar trú að fljótlega muni viðskiptavinir okkar sjá í innkaupum sínum töluverða lækkun á vöruverði og við vonum að flestir séu sáttir við þessar breytingar. 

Kær kveðja, með vinsemd og virðingu,

Reynir og Ása, Hólabúð.