Handverksfélagið Assa í Reykhólahreppi byrjar enn á ný með Opnu húsin sín í Vogalandi í Króksfjarðarnesi klukkan 20 í kvöld. Þau verða síðan annað hvert þriðjudagskvöld fram á vor. Allir eru velkomnir og ekki þarf að vera skráður félagi. Þarna er tilvalið að koma með prjónana, saumadótið, skrappið og kortin eða bara til að spjalla. Yfirleitt stendur þetta í tvo til tvo og hálfan tíma og öllum er frjálst að koma og fara hvenær sem er.

Össufólk hvetur áhugasama(r) til að skrifa hjá sér dagsetningar Opnu húsanna fram á vorið: 

• 17. og 31. janúar
• 14. og 28. febrúar
• 13. og 27. mars
• 10. og 24. apríl

Stjórn Össu skipa eftirtalin og veita þau jafnframt nánari upplýsingar: Sóley Vilhjálmsdóttir, formaður, Erla Björk Jónsdóttir, gjaldkeri, og Sveinn Ragnarsson, ritari.

02.01.2012  Assa útdeilir ágóðanum