Harmonikumeistarinn gamalkunni Halldór Þ. Þórðarson í Búðardal ætlar að koma í heimsókn á dvalarheimilið Barmahlíð á Reykhólum klukkan 16 á morgun, fimmtudag, og spila létta músík. Jóhanna Ösp Einarsdóttir tómstundafulltrúi beinir því til fólks í héraðinu, kannski helst þeirra sem komnir eru af allra léttasta skeiði, hvort ekki væri gaman að koma og dilla sér við harmonikuleikinn.