Ungmennafélagið Afturelding (UMFA) í Reykhólahreppi stendur fyrir hátíðarhöldum 17. júní í Bjarkalundi. Fagnaðurinn hefst kl. 14 með ávarpi fjallkonu. Leikir verða með svipuðu sniði og áður undir stjórn Heklu Karenar og Margrétar Björnsdóttur. UMFA verður með til sölu gasblöðrur og sælgæti af öllu tagi. Rómað kaffihlaðborð Hótels Bjarkalundar verður á sínum stað. Ungmennafélagið Afturelding hvetur fólk til að koma og eiga glaðan og skemmtilegan dag saman.

 

Á myndinni er fjallkonan á hátíðinni í Bjarkalundi 17. júní fyrir þremur árum, Olga Þórunn Gústafsdóttir. Þar flutti hún kvæði Bjargeyjar Arnórsdóttur (Böddu á Hofsstöðum), Ljóð að heiman.