Í haustferðalagi Reykhólaskóla fyrir skömmu var farið inn í Gautsdal og gengið að Gautsdalsfossi eða Réttarfossi. Vaðið var í ánni og grillaðar pylsur. Veðurblíðan lék við ferðalangana og hitinn var yfir tuttugu stig. Þegar gengið var til baka tók Gugga í Gautsdal á móti hópnum með dýrindis veitingum fyrir alla, bæði nemendur og kennara, og kunna gestirnir henni bestu þakkir fyrir. Þegar komið var aftur á Reykhóla dreif allur hópurinn sig í Grettislaug.

 

Rebekka Eiríksdóttir á Stað tók meðfylgjandi myndir í haustferðinni. Smellið á til að stækka.