Í Noregi hafa bændur og þeir sem vinna landbúnaðarafurðir lagt á það áherslu síðustu ár að efla afurðasölu í heimahéruðum bændabýlanna og með heimasölu. Þetta átak hefur gengið vonum framar. Með þessu fæst aukin framlegð en líka styttist bilið á milli neytenda og bænda, auk þess sem verulega dregur úr umhverfisáhrifum framleiðslunnar, þar sem ekki þarf að flytja hana um langan veg.

Þetta kemur fram á vef Landssambands kúabænda.

Þessari hugmyndafræði virðast neytendur hafa tekið vel, en alls jókst heimasala afurða í Noregi um 16,5% á síðasta ári. Það er þrefalt meiri aukning en varð almennt í sölu á öðrum matvælum.