Tenglar

7. mars 2013 | vefstjori@reykholar.is

Heimskir bjálfar hreppa völdin

Skipstjórinn fyrrverandi Gylfi Helgason hringdi í tilefni af árlegri saltkjötsveislu og bókmenntavöku Lions á Reykhólum annað kvöld - og jafnframt í ljósi þess að núna líður að kosningum. Auk saltkjötsins og baunanna verður samkoman að þessu sinni helguð skáldinu Guðmundi Arinbirni Jónssyni á Hyrningsstöðum við Berufjörð í Reykhólasveit. Gylfi fór með vísu úr kvæði eftir Guðmund - Gúnda, eins og hann var kallaður - og taldi að hún ætti við eins í dag og alla daga (slíkt er kallað klassík). Vísan er svona:

 

Svik og lygar saman tvinnast

svona fyrir kosningar,

heimskir bjálfar hreppa völdin,

heppnist hjá þeim lygarnar.

Gylliboð og glæstar vonir

glepja hugsjón lýðsins villt,

valdhafanna viskuleysi

virðist öllu geta spillt.

 

Við innanverðan Berufjörð í Reykhólasveit eru bæði Hyrningsstaðir, þar sem Gúndi átti heima, og Skáldstaðir. Gylfi segir að börnum í sveitinni hafi þótt undarlegt að skáldið skyldi ekki eiga heima á Skáldstöðum.

 

► Saltkjötið og bókmenntakynningin árvissa

 

Athugasemdir

Nína Erna Jóhannesdóttir, fstudagur 08 mars kl: 09:24

Flott skáld var hann Gúndi frændi. Væri gaman að geta verið með ykkur í kvöld

Skrifaðu athugasemd:


Atburðadagatal

« Febrar 2024 »
S M Þ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29